Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Махсус операция хәрбиләре Мәскәү госпиталендә Тулы вәкаләтле вәкиллек чарасында катнашты
![Махсус операция хәрбиләре Мәскәү госпиталендә Тулы вәкаләтле вәкиллек чарасында катнашты](https://www.tatar-inform.ru/resize/shd/images/uploads/news/2024/2/23/1b46c44485ed233b68db634e952035dc.jpg)
Мәскәүдә Бурденко госпиталендә Офицерлар клубы һәм Табиблар клубы очрашуы узды. Алар Татарстанның Россиядәге Тулы вәкаләтле вәкиллеге каршында оештырылган. Анда Татарстан Республикасының Тулы вәкаләтле вәкиле Равил Әхмәтшин, шулай ук Россия Федерациясе Геройлары — Татарстаннан махсус операциядә катнашучылар Раил Габдрахманов, Әнвәр Нәбиев һәм Артур Орлов катнашты. Бу хакта вәкиллекнең матбугат хезмәте хәбәр итә.
Чарада катнашучылар Татарстаннан госпитальдә дәваланучы яралы хәрбиләр белән очрашты. Шулай ук медицина хезмәте ветераннары һәйкәлләренә чәчәк салдылар, госпиталь тарихы белән таныштылар.
Әхмәтшин дәваланучыларга күрсәткән ярдәм өчен госпиталь җитәкчелегенә рәхмәт белдерде.
«Сезнең ярдәм белән пациентлар савыгып кына калмый, яшәүгә шанс ала. Махсус хәрби операциядә катнашучыларның гомерләрен саклап калу өчен нинди зур эш алып баруыгызны беләбез. Сезгә авыр яралы егетләребез китерелә. Сез аларның һәркайсы өчен көрәшәсез. Хезмәтегез өчен рәхмәт!» — дип белдерде ул.
Әхмәтшин Татарстаннан яралы хәрбиләрне һәм госпиталь хезмәткәрләрен «Мәхмүт Гәрәевның тууына 100 ел» истәлек медале, мактау грамоталары, хәйрия хатлары һәм бүләкләр белән бүләкләде.
Кызыклы яңалыкларны күзәтеп бару өчен Телеграм-каналга язылыгыз