Махсус операция хәрбиләре Лаеш волонтерларына ярдәм өчен рәхмәт әйтте – видео
Лаеш районының «Помощь СВОим» хәйрия фонды гыйнвар каникулларында да эшен дәвам итә. Махсус операция хәрбиләре аларга ярдәм өчен рәхмәт белдерде.
«Лаеш районыннан маскировка челтәрләре өчен зур рәхмәт. Сез башкарган зур хезмәт өчен рәхмәт, хәзер безгә бу челтәрләр бик кирәк булачак. Позицияләр, эшләр күп. Барыгызга да зур рәхмәт. Без җиңәчәкбез», – дип ышана хәрби.
«Бәйрәмнәргә дә карамастан, барысы да актив, маскировка челтәрләре үрергә килделәр. Үрергә яңа хатын-кызлар килүе дә шатландыра. Бүген 4 челтәр», – дип сөйләделәр Лаештагы үзәк волонтерлары.
Алдарак Дәүләт Советына еллык Юлламасында Татарстан Рәисе Рөстәм Миңнеханов волонтерларга махсус операциягә ярдәм өчен рәхмәт әйтте. «Кешеләр моны ихлас һәм чын йөрәктән, үз тирәләренә шундый ук битараф булмаган кешеләрне берләштереп, фикердәшләренең тулы командасын туплап эшли», – диде республика җитәкчесе.
1 гыйнвардан Татарстанда Россия Оборона министрлыгы белән контракт төзүчеләр Татарстанда Россия Хәрби көчләренә хезмәт итүгә контракт төзегәндә 2,2 млн сум ала. Акча арту республикада түләүләрнең артуы белән бәйле.
РФ Кораллы көчләре сафларында контракт буенча хезмәт итү, шулай ук премияләр, ташламалар һәм түләүләр турында heroes-tatarstan.ru сайтында яки 117 телефоны буенча белергә була. Шулай ук Контракт буенча хәрби хезмәткә сайлап алу пунктына (1нче разряд) мөрәҗәгать итәргә мөмкин. Адресы: Казан, Аэропорт урамы, 1/40; телефоны: (843) 221-44-52. Моннан тыш, 8 800 222 59 00 номеры буенча мөрәҗәгать итәргә була.
Фото, видео: «Помощь СВОим» хәрия фонды