news_header_top
16+
news_header_bot
news_top

Мәскәүдәге «Китап җыеннары» китап клубының чираттагы очрашуы узачак

18 июньдә Мәскәүнең Татар мәдәнияте үзәгендә «Китап җыеннары» китап клубының чираттагы очрашуы узачак. Бу хакта Бөтендөнья татар конгрессы матбугат хезмәте хәбәр итә.

Бу юлы татар әдәбиятын сөючеләр Мансур Гыйләҗевнең «Микулай» монопьесасы турында фикер алышачаклар. Бу — керәшеннәр (керәшен татарлары) авылының соңгы кешесе Микулай тормышыннан бер көн турындагы тарих.

Чара 19:00 сәгатьтә башлана (Татар мәдәнияте үзәге, 306 кабинет). Очрашуга кадәр пьесаны укырга һәм режиссер Илшат Рәхимбайның «Микулай» фильмын карарга киңәш ителә.

news_right_1
news_right_2
news_bot