Мәскәүдә 2023 ел Сабантуенда күренекле хәрби җитәкче – армия генералы Мәхмүт Гәрәевнең 100 еллыгына аерым игътибар биреләчәк. Милли бәйрәм Мәхмүт Гәрәев исеме белән узачак. Бөтендөнья татар конгрессы шул турыда яза.
Сабантуйны оештыру комитетының утырышы Мәскәү Татар мәдәни үзәгендә узды. Анда быелгы милли бәйрәмнең тематикасы җәмгыятебез тормышының яңа чынбарлыгын чагылдырырга тиеш дигән фикер әйтелде.
Шуңа бәйле рәвештә, игътибарны татарларның эш сөючән халык икәненә һәм үз иленең патриотлары булуына юнәлтергә дигән карар кабул ителде. Бәйрәмнең спорт өлешен дә киңәйтергә ниятлиләр.