Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Мәскәүдә «Уникаль Россия» күргәзмәсендә Татарстан сәнгате тәкъдим ителәчәк
24 гыйнвардан 5 февральгә кадәр Мәскәүдә «Уникаль Россия» III сәнгать-сәнәгать күргәзмәсе узачак. Күргәзмәдә Россия мәдәнияте һәм сәнгате: зәркән һәм декоратив-гамәли сәнгать, халык сәнгать һөнәрләре, скульптура, рәсем сәнгате, дизайнер киеме һәм аксессуарлар күрсәтелә.
Татарстан Республикасы рәсем һәм декоратив-гамәли сәнгать эшләнмәләрен алып килә. Бу хакта Татарстанның Россиядәге Тулы вәкаләтле вәкиллегенең матбугат хезмәте хәбәр итә.
Бу зур күләмле патриотик чара, ул илебезнең бөек казанышлары турында аз билгеле фактларны, уникаль мәдәни үзенчәлекләрне күрсәтү максатыннан оештырылган, диелә хәбәрдә.
Россиянең 85 төбәге үз ягының мәдәниятен һәм традицияләрен күрсәтә, шулай ук 10 чит илдән катнашучылар була, дип хәбәр ителә күргәзмә сайтында. Күргәзмәгә килүчеләр 20 меңнән артык заманча сәнгать әсәрләрен күрә алачак.
Кунакларны шулай ук эшлекле конференцияләр, интерактив инсталляцияләр, мастер-класслар, мәдәни программа көтә.
Күргәзмә-форум Россия Финанслар министрлыгы, Россия Сәнәгать һәм сәүдә министрлыгы, Россия Милләтләр эшләре буенча федераль агентлык, Россия Тышкы эшләр министрлыгы ярдәмендә үткәрелә.
Кызыклы яңалыкларны күзәтеп бару өчен Телеграм-каналга язылыгыз