Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Мәскәүдә Тукайның туган көненә багышланган тантаналы чара узды
26 апрельдә бөек татар шагыйре Габдулла Тукайның тууына 138 ел тулды. Бу көнне Татарстанның Россиядәге Тулы вәкаләтле вәкиллеге, Мәскәү татарлары автономиясе вәкилләре, башкаланың татар җәмәгатьчелеге активистлары Габдулла Тукай һәйкәленә чәчәкләр салды. Бу хакта Мәскәү татарлары автономиясе матбугат хезмәте хәбәр итә.
Тантанадан соң татар мәдәни үзәге тарихи бинасының зур залында үзәкнең иҗат коллективлары һәм артистлар Тукай шигырьләренә музыкаль әсәрләр башкарды. Концертта шулай ук татар теле курсларына йөрүче укучылар да катнашты.
Чара залдагылар белән бергә татар халкының рәсми булмаган гимнын — шагыйрьнең «Туган тел» җырын башкарып тәмамланды, диелгән хәбәрдә.
Кызыклы яңалыкларны күзәтеп бару өчен Телеграм-каналга язылыгыз