Мәскәүдә «Тукай архивы» фильмының премьерасы була
Скопировать ссылку
21 августта 19:00 сәгатьтә Мәскәүдә Татарстан мәдәнияте көннәре кысаларында А.Солженицын исемендәге рус чит илләр йортының киноконцерт залында «Тукай архивы» фильмының премьерасы була. Бу хакта Татарстан Республикасының Россия Федерациясендәге тулы вәкаләтле вәкиллеге хәбәр итә.
Фильм бөек шагыйрь Габдулла Тукайның тууына 140 ел тулу уңаеннан төшерелгән. Бу — режиссер Ренат Хәбибуллинның беренче тулы метражлы фильмы. Катнашучыларга гадәти биографик тасвирлау гына түгел, ә бөтенләй яңача формат тәкъдим ителәчәк.
