Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Мәскәүдә Татарстан вәкиллегендә Яшьләр советы әгъзалары белән очрашу булды
Татарстанның Россиядәге Тулы вәкаләтле вәкиллегендә Яшьләр советы активистлары белән очрашу узды. Сөйләшү вакытында студентлар клублары җитәкчеләре үз проектлары турында сөйләде һәм тәҗрибә уртаклашты. Бу хакта Вәкиллекнең телеграм-каналында хәбәр ителә.
Татарстанның Россиядәге Тулы вәкаләтле вәкиле урынбасары Эмиль Фәйзуллин «Мәскәү - Татарстан күпере» яшьләр форумында актив катнашуларга рәхмәт белдерде. Ул шулай ук студентларга сессияләрендә уңышлар теләде.
Яшьләр советы рәисе Айдар Гайнетдинов 25 майда «Чикләвек» интеллектуаль уены булырга тиешлеге турында сөйләде. Унынчы уен мәгърифәтчеләргә багышлана. Командалар җыю турында игълан ителгән инде.
Билгеләп үтелгәнчә, бүгенге көндә Россия башкаласының әйдәп баручы югары уку йортлары каршында 21 клуб эшли. Татарстан Мәскәүнең 11 югары уку йорты белән хезмәттәшлек итәргә килешкән.
Кызыклы яңалыкларны күзәтеп бару өчен Телеграм-каналга язылыгыз