Мәскәүдә Татарстан белән Кытай арасында хезмәттәшлекне киңәйтү хакында фикер алыштылар
Скопировать ссылку
Татарстанның Россиядәге тулы вәкаләтле вәкиле Равил Әхмәтшин Россия-Азия Сәнәгатьчеләр һәм эшкуарлар берлеге рәисе Виталий Манкевич белән очрашты. Бу хакта Вәкиллекнең матбугат хезмәте хәбәр итә.
Яклар республика белән Кытай Халык Республикасы арасындагы хезмәттәшлекне киңәйтү перспективалары хакында фикер алышты. Кунак Россия-Азия Сәнәгатьчеләр һәм эшкуарлар берлеге белән Кытай компанияләре арасында станоклар төзү, авыл хуҗалыгы һәм автомобиль төзелеше өлкәсендә урнашкан яхшы мөнәсәбәтләрне билгеләп үтте.
Россия-Азия Сәнәгатьчеләр һәм эшкуарлар берлеге 13-15 ноябрьдә Казанда узачак «РОСТКИ» II Халыкара форумында катнашыр дип көтелә.