Татар дөньясы 11 ноябрь 2024 15:36

Мәскәүдә татар театрына нигез салучы Газиз Айдарскийны искә алу кичәсе була

Скопировать ссылку

99 яшьлек Әлфия Айдарская 17 ноябрьдә Мәскәү Татар мәдәни үзәгендә әтисе Газиз Айдарскийның 125 еллыгы уңаеннан концерт үткәрә. Бу хакта Татарстан Республикасының Россия Федерациясендәге Тулы вәкаләтле вәкиллеге телеграм-каналында хәбәр итәләр.

Нәкъ менә әлеге бинада 1924 елда Газиз Айдарский татар труппасы оештыра, ә аннары беренче Мәскәү татар театры баш режиссеры һәм сәнгать җитәкчесе була. Театрны 1933 елда вафат булганга кадәр җитәкли.

Башкала Татар мәдәни үзәге бинасында Газиз Айдарский истәлегенә мемориаль такта куелган.

Әлфия Айдарская – Газиз Айдарский һәм Сара Садыйкованың кызы. Ул үзәкне кечкенәдән белгәнгә күрә бу бинада үзен өйдә кебек хис итүе турында белдергән иде.

Концерт 17:00 сәгатьтә башлана. Керү ирекле.

Сәхифәләр

Мәскәүдә татар театрына нигез салучы Газиз Айдарскийны искә алу кичәсе була