Мәскәүдә «Россия кухнясы йорты»нда зур бәлеш пешерделәр
Скопировать ссылку
Халык хуҗалыгы казанышлары күргәзмәсендә (ВДНХ) баручы Татарстан көнендә зур бәлеш пешерделәр. Зур бәлеш пешерү буенча остаханәне «Россия кухнясы йорты»нда Казан рестораннарыннан килгән шеф-поварлар күрсәтте.
Остаханә алдыннан халык вак бәлештән авыз итте. Азактан мәскәүлеләрне зур бәлеш белән дә сыйладылар.
«Россия кухнясы йорты»нда көн дәвамында татар халык ашлары пешерү буенча остаханәләр үтә. Татарстан пешекчеләре башкала халкына каз, гөбәдия, талкыш кәләвә, чәкчәк пешереп күрсәтәләр. Остаханәләр арасында кунаклар өчен «Агыйдел» дәүләт җыр һәм бию ансамбле чыгыш ясый.
- Республика көне «Россия» күргәзмә-форумы кысаларында үткәрелә.