Мәскәүдә композитор Миләүшә Хәйруллинаның иҗат кичәсе булачак
Скопировать ссылку
29 майда 19:30 сәгатьтә Мәскәүдә «XXI гасыр композиторлары» фестивале кысаларында танылган татар композиторы Миләүшә Хәйруллинаның иҗат кичәсе үтәчәк. Бу хакта Татарстан Республикасының Россия Федерациясендәге тулы вәкаләтле вәкиллеге хәбәр итә.
Музыкаль чара Н.Б.Никогосян креатив киңлеге һәм галереясендә узачак.
Кичәдә тамашачылар өчен танылган башкаручылар чыгыш ясаячак:
- Эльза Исламова (сопрано),
- Валерия Куприянова (сопрано),
- Артур Исламов (баритон),
- Азат Нургаянов (скрипка).
Фортепиано партиясен автор үзе — Миләүшә Хәйруллина башкарачак.