Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Мәскәүдә китап ярминкәсендә ислам мәдәнияте ядкәрләре каталогын тәкъдим итәләр
Бүген Мәскәүдә «Кызыл мәйдан» IX китап фестивалендә «Татарстан Республикасы Милли музее җыелмасында Ислам мәдәнияте һәйкәлләре» каталогын тәкъдим итәләр. Анда Идел буе территориясендә исламның күпгасырлык тарихын чагылдырган коллекцияләр турында мәгълүмат тупланган. Бу хакта музейның матбугат хезмәте хәбәр итә.
Альбом укучыга музейның 8нче гасырдан 20нче гасырга кадәрге уникаль археологик, нумизматик, этнографик, китап һәм документаль коллекцияләре турындагы мәгълүматны җиткерә.
Каталог җыелманың бу өлешендә тәкъдим ителгән артефактларның географик төрлелеген (Урта Азия, Кавказ, Кырым, Идел буе, шулай ук Якын һәм Урта Көнчыгыш илләре - Иран, Сирия, Төркия, Һиндстан) чагылдыра. Каталогка кертелгән 300 һәйкәлнең яртысыннан артыгы беренче тапкыр фәнни әйләнешкә кертелә.
Россия башкаласында презентациядә авторлар, рецензентлар, шулай ук күренекле сәнгать белгечләре һәм Көнчыгыш илләре сәнгатен өйрәнүче белгечләр катнаша. Чара 14.00 сәгатьтә башлана. Керү түләүсез.
Быел да Татарстан китап нәшрияты Мәскәүдә китап ярминкәсендә үз стендын тәкъдим итте.
Кызыклы яңалыкларны күзәтеп бару өчен Телеграм-каналга язылыгыз