Мәскәүдә Кариев театры гастролен оештыруда Россия мөселманнары Диния нәзарәте ярдәм итә
Скопировать ссылку
9-10 октябрьдә Мәскәүдә Габдулла Кариев исемендәге Казан яшь тамашачы театры гастрольләре була. Ул Россия мөселманнары Диния нәзарәте ярдәме белән оештырыла. Спектакльләр «Москонцерт Холл» сәхнәсендә күрсәтеләчәк, дип хәбәр ителә Россия Мөфтиләр шурасы сайтында.
Театр узган сезонның премьераларын – «Йосыф» һәм «Сөннәтче бабай» спектакльләрен алып килә.
Театрның баш режиссеры Ренат Әюпов куелышындагы ике спектакль дә милли колорит белән сугарылган, икесе дә гаилә белән карау өчен тәкъдим ителә. Татар телендәге спектакльләр рус теленә синхрон тәрҗемә белән тәэмин ителгән, диелгән хәбәрдә.
Фото: © https://www.muslim.ru/