news_header_top_970_100
16+
news_header_bot_970_100

«Мәскәү – Татарстан күпере» яшьләр форумы 12 апрельдә була

Х «Мәскәү – Татарстан күпере» Мәскәү яшьләр форумы Россия башкаласында 12 апрельдә узачак. Бу хакта Татарстан Республикасының Россия Федерациясендәге Тулы вәкаләтле вәкиллеге хәбәр итә.

Бу төрле өлкәләрдәге уңышлы спикерлар, шәхси тәҗрибәсенә таянып, яшьләргә һөнәр сайлау һәм максатларны тормышка ашыру турында киңәшләр бирә торган уникаль мәйданчык.

«Безнең Татарстанда бик күп төрле чаралар уза, әмма бу форум үзенчәлекле атмосферасы белән аерылып тора. Мондый формада аралашуыбыз бик мөһим», - дип билгеләп үте ТР Рәисе Рөстәм Миңнеханов.

Татарстан Республикасы Рәисе тугыз форумда катнашты. Аны 12 апрельдә юбилей очрашуында да көтәбез, дип билгеләделәр матбугат хезмәтендә.

«Бу бик яхшы чара. Биредә кызыклы һәм тәҗрибәле спикерлар яшьләр белән диалог алып бара. Хәзерге катлаулы вакытта бу ике як өчен дә бер-берсен ишетү һәм ил өчен мөһим мәсьәләләр турында фикер алышу өчен бик яхшы мөмкинлек», - диде Россия Хөкүмәте Рәисе урынбасары Марат Хөснуллин.

Форумда катнашу өчен онлайн форматта теркәлергә кирәк.

autoscroll_news_right_240_400_1
autoscroll_news_right_240_400_2
news_bot_970_100