Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Мәскәү татар мәдәният үзәгендә иҗади сезон ачылды
һәр ел октябрь башында Мәскәү татар мәдәнияте үзәге бинасында (Татарский пер. 8) иҗади сезон тантаналы рәвештә ачыла һәм быел да нәкъ шулай булды, дип хәбәр итә Бөтендөнья татар конгрессы матбугат хезмәте.
Күп санлы тамашачыларны Мәскәү татарлары автономиясе җитәкчесе, Татарстанның атказанган мәдәният хезмәткәре Фәрит Фәрисов, татар мәдәнияте үзәге директоры Әнвәр Хөсәинов һәм Татарстан Республикасының башкаладагы тулы вәкаләтле вәкиллеге исеменнән Фикус Муртазина сәламләде.
Мәскәү татар автономиясе 2023 елны армия генералы Мәхмүт Гәрәевнең 100 еллыгына багышлаган. 2024 елны автономия советы икенче бер күренекле хәрби милләттәшебез, башкаладагы татар мәдәнияте үзәге активисты, Бөек Ватан сугышы ветераны, ЦСКАклубының элеккеге җитәкчесе, полковник Әнвәр Чанышевның якты истәлегенә багышларга килеште, диелгән хәбәрдә.
Аның тол хатыны Нурзидә ханым үз чыгышында билгеләп үткәнчә, Әнвәр Чанышев Мәскәү татарларының милли-мәдәни тормышында катнашуны изге бурычы дип кабул иткән, шуңа газиз халкыбызның кыйммәтле мәдәни һәм тарихи мирасын саклап калуга корылган бар чараларда да актив катнашып килгән.
Концерт программасын Россия һәм Татарстанның атказанган артисты Наилә Фатехова ачып җибәрде.
Танылган артистлар белән беррәттән бу көнне яңа иҗади коллективлар да чыгыш ясады. Мәсәлән, Айдар Валиев җитәкчелегендә «Дуслык» хор капелласы тамашачы күңеленә хуш килде һәм Рабига Шәрифуллина җитәкчелегендәге «Балкыш» гаилә ансамбле чыгышы да кайнар алкышларга лаек булды, диелгән хәбәрдә.
Кызыклы яңалыкларны күзәтеп бару өчен Телеграм-каналга язылыгыз