Мәскәүнең Мещанский район суды Finiko компаниясенә нигез салучы Кирилл Доронинга арестны озайтты. Мондый мәгълүмат Мәскәү суды сайтында чыкты.
Тикшерү судтан Доронинны кулга алу вакытын тагын ике айга озайтуны сораган иде. Суд үтенечне канәгатьләндерде, Доронин тикшерү изоляторында 30 июльгә кадәр калдырылды.
Искәртеп узабыз, Кирилл Доронин узган елның җәендә Finiko компаниясенә бәйле җинаять эше фигуранты итеп танылды. Аны аеруча зур күләмдә мошенниклык гамәлләре кылуда гаеплиләр.