Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Машина капотында автоинспекторны сөйрәп барган шоферга карата җинаять эше кузгатылган
Татарстанда Биектау бистәсендә яшәүче 33 яшьлек ир-атка «Хакимият вәкиленә карата көч куллану» маддәсе буенча җинаять эше кузгатылган. Бу хакта Россия Тикшерү комитеты ТР буенча идарәсе җитәкчесенең өлкән ярдәмчесе Андрей Шептицкий хәбәр итте.
Ачыкланганча, ир-ат узган ел машина йөртү хокукыннан мәхрүм ителгән булган, әмма кичә исерек килеш рульгә утырган һәм Казанга юл тоткан. Юлда ЮХИДИ инспекторлары аңа туктарга кушкан. Әмма ир-ат полицейскийларның таләбенә буйсынмаган һәм газга тагын да катырак баскан. Нәтиҗәдә, автоинспекторларның берсен машина капотында сөйрәп киткән.
«Ул үзенең әлеге җинаятьтә катнашы барлыгын тулысынча таныды. Якын арада тикшерүчеләр аңа карата закон тарафыннан каралган чик кую чараларының берсен сайлау үтенече белән судка мөрәҗәгать итәчәк», - дип ачыклык кертте Шептицкий.
«Татар-информ» агентлыгы Казан янындагы М7 трассасында бер машина йөртүченең автомобиль капотында ЮХИДИ инспекторын сөйрәп китүе турында элегрәк хәбәр иткән иде.
Кызыклы яңалыкларны күзәтеп бару өчен Телеграм-каналга язылыгыз