Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Машина йөртүчеләрне хәрби комиссариатларга җибәрү турында хәбәрнең ялган икәнлеге билгеле
ЮХИДИ постларында бернинди мобилизация чаралары да оештырылмаган. Дәүләт автоинспекциясе хезмәткәрләре төбәкләрдә юлларда туктаткан машина йөртүчеләрне хәрби комиссариатларга җибәрми. Бу хакта «МВД медиа» Телеграм-каналында хәбәр ителә.
Элегрәк социаль челтәрләрдә, янәсе, Эчке эшләр министрлыгыныкы булган документның сканы чыкты. Анда хәбәр ителгәнчә, 22 сентябрьдән хәрби комиссариат хезмәткәрләре ЮХИДИ постларында кизү торачак. Аларга автоинспекторлар, документлар тикшерелгәннән соң, шоферларны җибәрәчәк. Шул ук вакытта шәһәр эчендәге юнәлешләрдә мобиль төркемнәр урнаштырылачак.
Ведомствода әлеге документның фейк булуын ассызыкладылар.
«Россия Эчке эшләр министрлыгында әлеге сканның, янәсе, Россия Эчке эшләр министрлыгының Юл хәрәкәте иминлеген тәэмин итү буенча Баш идарәсе күрсәтмәсе фейк, ә әлеге «документ»тагы мәгълүмат — ялган дип рәсми төстә белдерделәр», – диелгән хәбәрдә.
Искәртик, 21 сентябрьдә иртән Россия Президенты Владимир Путин мөрәҗәгать белән чыгыш ясады һәм өлешчә мобилизация үткәрү турындагы указга имза куйды.
Саклану министры Сергей Шойгу белдергәнчә, хәрби тәҗрибәсе булган 300 мең резервист чакырылырга тиеш, бу гражданнарның гомуми саныннан 1 проценттан бераз артыграгын тәшкил итә. Чакырылыш этаплы булыр дип көтелә, студентлар һәм «срочник» солдатлар анда эләкми.
Кызыклы яңалыкларны күзәтеп бару өчен Телеграм-каналга язылыгыз