Машина йөртү таныклыгын алыштыру: дәүләт пошлинасын кайсы очракта түләмәскә мөмкин
Машина йөртү таныклыгын яңадан рәсмиләштергәндә ТР халкы күпчелек очракта дәүләт пошлинасын түләргә тиеш. Әмма кайбер татарстанлылар өчен бу түләүдән азат итү каралган. Дәүләт пошлинасын кем түләмәскә хокуклы - «Татар-информ» материалында
Машина йөртү таныклыгын алыштырганда, пошлина түләмәскә мөмкин булганнар исәбенә түбәндәгеләр керә:
- Россиянең тарихи регионнарыннан күчеп килүчеләр.
Донецк һәм Луганск халык республикалары, шулай ук Запорожье һәм Херсон өлкәләре РФ составына кергән вакытта даими рәвештә аларның территориясендә яшәгән яки бу төбәкләрне элегрәк ташлап киткән затлар.
- Украина гражданнары һәм Россиядә легаль рәвештә булган гражданлыгы булмаган затлар, алар вакытлыча яшәүгә рөхсәт алган, качак статусына ия булган яки вакытлыча сыену турындагы документка ия булган, ватандашларны күчерү буенча дәүләт программасында катнашкан шартларда.
- гадәттән тыш хәлләрдә зыян күрүчеләр. Әгәр машина йөртү таныклыгы хуҗасы зыян күргән гадәттән тыш хәл аркасында югалган яки зыян күргән булса, дәүләт пошлинасы алынмый.
- хәрби-учет белгечлеге булган армиягә ашыгыч чакырылырга тиешле һәм билгеле бер хәрби-учет белгечлеге буенча әзерлек үткән гражданнар пошлина түләүдән азат ителә.
- чакырылыш буенча хәрби хезмәткәрләр «D» яки «D1» категорияләре ачылуга бәйле рәвештә машина йөртү таныклыгын алыштырганда солдат-срочниклар шулай ук дәүләт пошлинасын түләмиләр.