Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Март аенда температура рекорды 8 тапкыр яңартылган
Республикада һава температурасы 10 елга 0,32 градуска кадәр арткан, ди белгечләр
(Казан, 23 март, “Татар-информ”, Лилия Локманова). Быел март аенда температура рекорды 8 тапкыр яңартылган. Бу хакта бүген Бөтендөнья метеорология көне (ул 1961 елдан билгеләнә) уңаеннан үткәрелгән матбугат конференциясендә гидрометүзәк җитәкчесе Феликс Гоголь хәбәр итте.
Аның сүзләренчә, Татарстан территориясендә җылылык арту дәвам итә. 1951 елдан алып хәзергә кадәр республикада һава температурасы 10 елга 0,32 градуска кадәр арткан.
Явым-төшемнәрдә дә арту сизелә, ди белгеч. Әмма соңгы берничә елда аларның нормадан азрак булуын да искәртте ул.
“Узган елның март ае гадәттәгедән җылы килде һәм уртача температура нормадан 3,9 градуска югары иде. Бу бик югары аномаль күрсәткеч. Быел да актив антициклон нәтиҗәсендә, мартның икенче декадасында һәм өченче декада башында гына да 8 температура рекорды яңартылды”, - диде ул.
Кызыклы яңалыкларны күзәтеп бару өчен Телеграм-каналга язылыгыз