Җәмгыять 15 февраль 2010 13:50

Март аенда Горький тимер юлында өстәмә поездлар билгеләнәчәк

Шуларның өчесе Казан белән Мәскәүне бәйли

Скопировать ссылку

(Казан, 15 февраль, “Татар-информ”). Март аенда пассажирлар арасында сорау артуны истә тотып, Горький магистрале ерак маршрутларга өстәмә поездлар билгеләячәк. Шуларның 3 се Татарстан башкаласын Россия мәркәзе белән бәйләячәк.

232/231 нче Мәскәү-Казан поезды Россия башкаласыннан 6 мартта төнге 1 нче яртыда юлга кузгала. Казанга шул ук көнне 13 сәгать 15 минутка килеп җитә. Поезд 7 мартта 21 сәгать 55 минутта Казан вокзалыннан кабат Мәскәүгә юл алачак. Мәскәүгә исә икенче көнне 11 сәгать 25 минутка барып җитә.

215/216 нчы Казан -Мәскәү поезды Татарстан башкаласыннан 4 март көнне 19 сәгать 5 минутта сәфәргә кузгала. Мәскәүдәге Казан вокзалына состав 5 март көндезге 12 нче 35 минутта килеп туктый. Шул ук көнне 18 сәгать 48 минутта Казанга юл алган поезд, пассажирларны 6 март көнне 9 сәгать 20 минутка Татарстан мәркәзенә алып кайтып җиткерә.

Казан-Мәскәү маршрутына 8 мартта сәфәр чыгучы пассажирлар 231/232 нче состав хезмәтеннән файдалана ала. Ул Халыкара хатын-кызлар көнендә 21 сәгать 55 минутта Казаннан кузгалып, икенче көнне 11 сәгать 25 минутка Мәскәүгә килеп җитә. Мәскәүдән 10 март төнге беренче яртыда юлга чыгып, 10 мартта көндезге икенче 15 минутта Казанга кайта.
Өстәмә поездларның берсе -253/234 номерлысы Казан-Чабаксар-Санкт-Петербург маршрутларын бәйләячәк. Состав Татарстан мәркәзеннән 4,7 март көннәрендә 11 сәгать 25 минутта китә. Санкт-Петербургка 5,8 март көннәрендә төнге беренче 4 минутка килеп җитә. Төньяк башкаладан 6,9 март көннәрендә 16 сәгать 13 минутта кайтыр якка кузгала. Бу хакта ГТЮ җәмәгатьчелек белән элемтәләр хезмәте хәбәр итә.

Сәхифәләр

Март аенда Горький тимер юлында өстәмә поездлар билгеләнәчәк