Марсель Миңнуллин: Рөстәм Гайфуллин үлеме - сәламәтлек саклау өлкәсе өчен зур югалту

Скопировать ссылку

Бүген 56 яшендә Республика клиник хастаханәсенең элеккеге баш табибы, Казанның 21 нче сырхауханәсе баш табибы Рөстәм Гайфуллинның кинәт үлеме турында билгеле булды.

«Сәламәтлек саклау системасының чын профессионалларының берсе, 21 нче шәһәр сырхауханәсе баш табибы Рөстәм Фәизович якты дөньядан китте», – дип хәбәр иткән иде Татарстанның сәламәтлек саклау министры Марсель Миңнуллин министрлыкның рәсми сайтында.

Министр мәрхүмнең гаиләсе, якыннарының тирән кайгысын уртаклаша. «Татар-информ» мәгълүмат агентлыгы хәбәрчесе соравы буенча министрлыкның матбугат хезмәте юллаган хәбәрдә түбәндәге юллар бар:

«Рөстәм Фәизович үз эшенең чын остасы, сәламәтлек саклау тармагының талантлы оештыручысы, үз эше өчен янып торучы иде. Аның дөньядан китүе – Татарстанның сәламәтлек саклау өлкәсе өчен зур югалту».

Сәхифәләр

Марсель Миңнуллин: Рөстәм Гайфуллин үлеме - сәламәтлек саклау өлкәсе өчен зур югалту