Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Мариуполь Җәмигъ мәчетен Әхмәт Кадыров исемендәге фонд акчасына төзекләндерәләр
Россия вице-премьеры Марат Хөснуллин Мариуполь шәһәренең Приморье паркында чиркәү һәм мәчет торгызу эшләре барышын карады. Биредә парк территориясен комплекслы рәвештә төзекләндерәләр, шулай ук православие гыйбадәтханәсен һәм мәчетне торгызалар. Бу хакта Россия Мөфтиләр шурасының матбугат хезмәте хәбәр итә.
Җәмигъ мәчетен торгызу эшләре Россия мөселманнарының дини лидеры Мөфти Шәех Равил Гайнетдиннең фатихасы белән һәм Россия Герое Әхмәт Кадыров исемендәге фонд акчасына башкарыла.
Марат Хөснуллин Россия Президенты Владимир Путин йөкләмәсе буенча Мариупольдә объектларны торгызу эшен алып бара. 5 августта ул кабат Донецк Халык Республикасында булды, анда шул исәптән Мариуполь мәгариф учреждениеләренең уку елы башына әзерлек дәрәҗәсен тикшерде, шулай ук Мариуполь Җәмигъ мәчетендә булды.
«Шәһәр халкының яраткан ял итү урыны һәм иң зур Приморье паркында да киң колачлы эшләр алып барыла. Аның бөтен территориясен комплекслы рәвештә төзекләндерәбез - юлларны, яр буена төшү сукмагын, төп аллеяны һәм һәйкәлләрне яңартабыз, якын арада беренче чираты тәмамланачак», - дигән Марат Хөснуллин Телеграм-каналда.
Кызыклы яңалыкларны күзәтеп бару өчен Телеграм-каналга язылыгыз