Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Марина Патяшина: Мәктәп ашханәсендә сосискалар уку елы азагына кадәр генә кулланыла
Алга таба сосискаларны менюга кертү өчен җитештерүче предприятиеләрнең «балалар ризыгы» дигән дәүләт документы рәсмиләштерүе шарт.
(Казан, 1 февраль, «Татар-информ», Гөлнар Гарифуллина). Мәктәп ашханәсендә балаларга сосискалар уку елы азагына кадәр генә һәм бары тик атнасына бер тапкыр бирелә.
Бу хакта Роспотребнадзор федераль хезмәтенең ТР буенча идарәсе җитәкчесе Марина Патяшина Дәүләт Советының Мәгариф, мәдәният, фән һәм милли мәсьәләләр комитеты утырышында сөйләде.
Ул мәктәпләрдә тукландыру операторлары белән сөйләшү барышында проблемалы мәсьәләләр күтәрелгәнен әйтте. Шуның берсе мәктәп менюсында сосискалар кулланышына кагыла. «Яңа санитар кагыйдәләрдә мәктәп менюсында колбаса эшләнмәләре каралмаган. Федераль хезмәтнең бу мәсьәләдә позициясе катгый, чөнки сосискалар сәламәт туклану үрнәге түгел, гәрчә балалар аны яратып ашаса да», — диде Патяшина.
Аның сүзләренчә, Татарстанда исә, барлык мәнфәгатьләрне канәгатьләндерү һәм җирле җитештерүчеләргә ярдәм йөзеннән, 2022 елның 31 маена кадәр мәктәпләрдә сосиска бирүгә рөхсәт ителгән, ләкин атнасына бер тапкырдан да артык түгел. Бары тик хәләл сосискалар турында сүз бара.
«Киңәйтелгән лаборатория тикшерүләре нәтиҗәләре бездә җитештерелгән сосискаларның куркынычсызлыгын күрсәтте, ләкин киләчәктә мәктәп менюсына сосискаларны, җитештерүче предприятиеләрнең „балалар ризыгы“ дигән документы булу шарты белән генә кертергә ярый. Өч яшьтән зуррак балалар өчен ризык яраклыгы турында дәүләт таныклыгы рәсмиләштерергә тиешләр. Бу тиз башкарыла торган процесс түгел, киләсе уку елына кадәр вакыт җитәрлек». — диде Марина Патяшина.
Кызыклы яңалыкларны күзәтеп бару өчен Телеграм-каналга язылыгыз