news_header_top
Руc Тат
16+
news_header_bot
news_top
Икътисад 15 май 2025 14:47

Марат Хөснуллин Татарстанның зур техника күргәзмәсен карады

Скопировать ссылку

Бүген Россия вице-премьеры Марат Хөснуллин Татарстанда җитештерелә торган зур габаритлы техника күргәзмәсен карады. Экспозиция «Россия – Ислам дөньясы: KazanForum» халыкара икътисади форумы кысаларында Казан янәшәсендәге парковкада урнаштырылган.

Быел Казан вертолет заводында җитештерелә торган «Ансат» вертолеты иң якты экспонат булды. Хөснуллин, аны тыштан һәм эчтән дә тикшергән.

Вертолет янәшәсендә «КАМАЗ-мастер» командасының ике узыш машинасы, шулай ук әлеге машиналарда алынган бүләкләр белән зур булмаган стенд урнашкан. Хөснуллинга машиналарның үзенчәлекләре турында сөйләделәр һәм ул команда бүләкләре фонында истәлекле фотография ясаган.

Алга таба күргәзмәдә «КАМАЗ»ның төрле модельләре, «МТЗ-Татарстан» җитештергән берничә «Беларусь» тракторы, шулай ук Яшел Үзәннең Горький исемендәге заводында җыелган водород ягулыгы элементлары булган ял итү судносы күрсәтелде.

Үзебезнең зур габаритлы машиналар җитештерүчеләр белән янәшә Кытай автосәнәгатенең берничә яңа техникасы урнашкан. Алар арасында Geely, Cherry, Tank һәм башка компанияләрнең популяр яңа техникалары, шулай ук яңа җитештерүчеләрнең автомобильләре дә булган.

«Россия – Ислам дөньясы: KazanForum» халыкара икътисади форумы Татарстан башкаласында 13-18 май көннәрендә уза. KazanForum Татарстанда 2009 елдан башлап ел саен үткәрелә. 2023 елдан вакыйга федераль статус алды. Татарстан Рәисе Рөстәм Миңнеханов Россия Президенты Владимир Путин йөкләмәсе буенча «Россия-Ислам дөньясы» стратегик караш төркемен җитәкли.

news_right_1
news_right_2
news_bot