Җәмгыять 17 март 2024 14:02

Марат Хөснуллин сайлауларда онлайн тавыш бирде: Өч операция - һәм без сайладык

Скопировать ссылку

Россия Вице-премьеры Марат Хөснуллин Президент сайлауларында тавыш бирде. Ул онлайн тавыш бирүнең уңайлылыгын билгеләп үтте һәм барлык гражданнарны читтә калмаска чакырды. Мөрәҗәгате аның телеграм-каналында чыкты.

«Бу – безнең илдәге төп сайлаулар. Минемчә, һәр граждан иленең киләчәген билгеләү өчен үз бурычын үтәргә – тавыш бирергә тиеш», — дип билгеләп үтте РФ Хөкүмәте рәисе урынбасары.

Ул кандидатларның берсе өчен онлайн тавыш бирде һәм бу вариантның уңайлылыгын билгеләп үтте: «Бик уңайлы. Өч операция – һәм без инде тавыш бирдек. Эш урынында да, өйдә дә була».

Исегезгә төшерәбез, бу вариант – дистанцион тавыш бирү Россиянең 29 төбәгендә үткәрелә.

15 мартта Татарстанда 65 территориаль һәм 2722 участок сайлау комиссиясе эшли башлады, шулай ук хастаханәләрдә, шифаханәләрдә, тикшерү изоляторында, вокзалда һәм аэропортта 45 вакытлыча сайлау участогы ачылды.
Татарстанда яшәүче 3 миллионга якын кеше сайлау хокукына ия. Сайлаулар үткәрүне сайлау комиссияләренең 22 мең әгъзасы тәэмин итә. Сайлау участокларында 16 меңнән артык күзәтүче эшли, шул исәптән чит ил күзәтүчеләре дә.
Россия Федерациясенең сигезенче Президентын сайлау өч көн – 15-17 март – дәвам итә. Барлыгы дүрт кандидат катнаша: Владислав Даванков («Яңа кешеләр» партиясеннән), Леонид Слуцкий (ЛДПР партиясеннән), Николай Харитонов (КПРФ партиясеннән) һәм гамәлдәге дәүләт башлыгы Владимир Путин (үз-үзен тәкъдим итүче буларак).

#Россия Президентын сайлау

Сәхифәләр

Марат Хөснуллин сайлауларда онлайн тавыш бирде: Өч операция - һәм без сайладык