Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Марат Хөснуллин: «Чиста су» программасы буенча Россиядә 1214 объект төзелде һәм яңартылды
![Марат Хөснуллин: «Чиста су» программасы буенча Россиядә 1214 объект төзелде һәм яңартылды](https://tatar-inform.tatar/resize/shd/images/uploads/news/2024/7/25/a623f4b48fdbf8add389372b8eba1b8b.jpg)
Үзәкләштерелгән су белән тәэмин итүнең яңа системаларын төзү һәм гамәлдәгеләрен модернизацияләү, шул исәптән «Чиста су» проекты буенча эш нәтиҗәләре турында вице-премьер Марат Хөснуллин сөйләде.
«Россиялеләрне эчәргә яраклы сыйфатлы су белән тәэмин итү – «Чиста су» федераль проектының төп максаты. Ул эшли башлаганнан бирле биш ел ярым эчендә 81 төбәктә 1214 объект төзелде һәм реконструкцияләнде. Шул исәптән, 31 объектта эшләр 2024 елның беренче яртыеллыгында төгәлләнде», – дип хәбәр итте вице-премьер.
Бу елның беренче яртысында Россиянең 19 төбәгендә, шул исәптән Татарстанда 31 яңа объект файдалануга тапшырылган. Нурлатта су әзерләү станциясе төзелгән һәм эшләтеп җибәрелгән. Ул шәһәрнең 50 елдан артык элек төзелгән су алу җайланмасына алмашка куелган. Яңа станция районның 30 меңнән артык кешесен эчәргә яраклы сыйфатлы су белән тәэмин итәргә мөмкинлек биргән.
- «Чиста су» программасы Россия Президенты Владимир Путин инициативасы белән «Торак һәм шәһәр мохите» илкүләм проекты кысаларында гамәлгә ашырыла. Аның төп бурычы – Россиядә яшәүчеләр өчен эчә торган суның сыйфатын арттыру.
- Илкүләм проектны биш ел дәвамында гамәлгә ашыру барышында Татарстанда алты эчәргә яраклы су белән тәэмин итү объекты төзелде. 2023 елда Алексеевск районында яңа су әзерләү станциясе барлыкка килде, ә Тукай районының Суровка һәм Белоус авылларында су белән тәэмин итү челтәрләре төзелде.
Кызыклы яңалыкларны күзәтеп бару өчен Телеграм-каналга язылыгыз