Архив 31 октябрь 2014 21:09

Марат Усманов "Иске шәһәр" префекты итеп билгеләнгән

Префектура коллективына яңа җитәкчене Казан каласы башкарма комитеты җитәкчесе Денис Калинкин тәкъдим итте

Скопировать ссылку

(Казан, 31 октябрь, "Татар-информ"). "Казан шәһәре башкарма комитеты "Иске шәһәр" префектурасы" территориясенең яңа префекты билгеләнде. Әлеге вазифага элек шәһәрнең Киров һәм Мәскәү районнары хакимияте башлыгы урынбасары булган Марат Усманов билгеләнде, дип хәбәр итә Казан мэриясе матбугат хезмәте.

Префектура коллективына яңа җитәкчене Казан башкарма комитеты җитәкчесе Денис Калинкин тәкъдим итте. Чарада шулай ук Башкарма комитет Аппараты җитәкчесе Игорь Сивов та катнашты.

Усманов Марат Закәриевич 1973 елның 4 августында Буада туган.

1998 елда Казан дәүләт архитектура-төзелеш академиясен тәмамлаган.

1994-1996 елларда - ТРның Буа районында махсус хуҗалык исәбе җитештерү бүлеге белгече.

1996-1999 елларда - ТРның Буа районы Гражданнар оборонасы һәм гадәттән тыш хәлләр эшләре бүлеге башлыгы.

1999-2000 елларда - ТРның Буа районы Пенсия фонды бүлегенең пенсия хокукларын бәяләү белгече.

2001-2003 елларда - Казанның Совет районы хакимиятенең төзелеш һәм торак хуҗалыкны үстерү секторы әйдәп баручы белгече, төзелеш һәм ТКХ комитеты баш белгече, коммуналь хуҗалык бүлеге башлыгы урынбасары.

2003-2005 елларда - ТР Сәүдә һәм тышкы икътисади хезмәттәшлек министрлыгының Казанда Сәүдә, җәмәгать туклануы һәм кулланучыларга хезмәт күрсәтү идарәсенең 7нче (Совет районы) бүлегебашлыгы.

2005-2006 елларда - Казан хакимиятенең Сәүдә, җәмәгать туклануы һәм кулланучыларга хезмәт күрсәтү идарәсенең 7нче (Совет районы) бүлек башлыгы.

2006-2010 елларда - Казан башкарма комитетының Совет районы хакимиятенең кулланучылар базары һәм хезмәт күрсәтү бүлеге башлагы, торак комплекслары белән эшләү бүлеге башлыгы.

2010 елда – Казан Башкарма комитетының Мәскәү районы хакимияте башлыгы урынбасары. 2011-2014 елларда - Казан Башкарма комитетының Киров һәм Мәскәү районнары хакимияте башлыгы урынбасары.

Сәхифәләр

Марат Усманов "Иске шәһәр" префекты итеп билгеләнгән