Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Марат Әхмәтов журналистларга коронавирустан вакцинация уздыру тәкъдимен хуплады
«Журналистлар вакцинация буенча беренче чираттагы исемлектә булырга тиеш», — диде ул.
(Казан, 22 декабрь, «Татар-информ», Гөлнар Гарифуллина). Татарстан Дәүләт Советы Рәисе урынбасары Марат Әхмәтов фикеренчә, журналистлар вакцинация буенча беренче чираттагы исемлектә булырга тиеш. Ул «Татар-информ» агентлыгының баш редакторы Ринат Билалов соравына җавабында шул хакта әйтте.
«Билгеле булганча, вакцинацияне беренче булып табиблар уза. Тик без гел вакыйгалар үзәгендә, төрле чараларга, оешмаларга йөреп, вирус белән йогышлану куркынычы янаган журналистларыбыз өчен борчылабыз. Авыручылар да булды, бу ахыр чиктә мәгълүмати куркынычсызлыкка да йогынты ясый», - дип мөрәҗәгать итте Ринат Билалов.
Марат Әхмәтов агентлык җитәкчесен хуплады. Журналистларга прививка ясату мөһимлеге белән килеште. «Бу проблеманы хәл итәргә кирәк. Мин андый мөрәҗәгатьне хәтерлим. Бу сорауны контрольгә алырбыз. Журналистлар халык белән даими элемтәдә, шуңа күрә алар өстенлекле исемлектә булырга тиеш. Бу мәсьәләне хәл итәрбез дип уйлыйм», — диде.
Яңа коронавирус инфекциясеннән «Спутник V» вакцинасының беренче партиясе Татарстанга 11 декабрьдә кайткан иде. 15 декабрьдә Татарстанга тагын 1,9 мең доза препарат кайтарылды.
Кызыклы яңалыкларны күзәтеп бару өчен Телеграм-каналга язылыгыз