Авыл 28 октябрь 2014 18:49

Марат Әхмәтов Төркия Республикасы делегациясе белән очрашты

Делегациягә Мәрсин Сәүдә-сәнәгать палатасы рәисе Шәрәфетдин Ашут җитәкчелек итә

Скопировать ссылку

(Казан, 28 октябрь, «Татар-информ»). Бүген ТР Премьер-министры урынбасары - авыл хуҗалыгы һәм азык-төлек министры Марат Әхмәтов Төркия Республикасы делегациясе белән очрашты. Делегациягә Мәрсин Сәүдә-сәнәгать палатасы рәисе Шәрәфетдин Ашут җитәкчелек итә, диелә аграр ведомствоның матбугат хезмәте хәбәрендә.

Делегация составына Мәрсин провинциясенең Сәүдә-сәнәгать палатасы рәисе урынбасары Нух Юксельгюнгер, туристик платформа рәисе Нуман Оджар, Сәүдә-сәнәгать палатасы идарә әгъзасы Уфук Майя, "Tat Pulses" компаниясе җитәкчесе Вейсель Мемиш һәм башкалар кергән.

ТР Авыл хуҗалыгы һәм азык-төлек министрлыгы башлыгы кунакларны Татарстанның авыл хуҗалыгы торышы белән таныштырды. Үз чиратларында, Төркия вәкилләре үзләренең компанияләре һәм ТР белән хезмәттәшлек итүдә кызыклы юнәлешләр хакында сөйләделәр.

Яшелчә һәм җиләк-җимеш экспорты, ашламалар җитештерү мәсьәләләре буенча Мәрсин провинциясенең Сәүдә-сәнәгать палатасы идарә әгъзасы Хакан Сефа Чакыр, идарә рәисе Армаген Онер чыгыш ясады.

"Татарстан Авыл хуҗалыгы һәм азык-төлек министрлыгы һәм респбулика өчен тулаем үсеш нокталары кирәк, әлеге ресурсны без чит ил инвестицияләрендә күрәбез", - дип билгеләп үтте Марат Әхмәтов.

Чара барышында эшче төркем булдырып, өстәмә очрашу оештыру турында карар ителде. Аның программасына Татарстан авыл хуҗалыгы предприятиеләре белән танышу чаралары кертеләчәк.

Сәхифәләр

Марат Әхмәтов Төркия Республикасы делегациясе белән очрашты