Марат Җәббаров аерым урыннарда бал кортлары үлүне элемтә җайга салынмау белән аңлатты

Министр, басуларда пестицидлар белән эшкәртү турында алдан кисәтеп кую өчен, WhatsApp төркеме булдырылганын әйтте.

Скопировать ссылку

(Казан, 15 июль, «Татар-информ», Гөлнар Гарифуллина). Аерым бер урыннарда бал кортлары үлүе элемтә җайга салынмавына бәйле.

«Кортларны махсус беркем агуламый, бу мәсьәләдә аңлашу бар. Берәмле очраклар булса да, каядыр элемтә, килешеп эшләү җитеп бетми дигән сүз», — диде #ТатарстанОнлайн программасының туры эфирында ТР Премьер-министры урынбасары — авыл хуҗалыгы һәм азык-төлек министры Марат Җәббаров.

«Агрономнар, хуҗалык җитәкчеләре, авыл хуҗалыгы идарәләре белгечләре, Россельхознадзор, ветеринария идарәсе хезмәткәрләре, умартачылар белән элемтә булдырылды. Предприятие кырларына сиптерергә чыкканда, шушы төркемдә хәбәр итәләр. Умартачы умарталарын каплап, бер көн булса да кортларны чыгармый торырга тиеш», — диде Җәббаров.

Шул төркемдә агрохимикатлар аркасында бал кортлары үлеме турында берәр хәбәр булса яки башка реакцияләрне министр үзе дә телефоныннан күзәтеп баруын әйтте. «Бу очракта без урыннарга барып тикшерү үткәрәбез», — диде ул.

#бал кортлары #Бал кортлары үлеме

Сәхифәләр

Марат Җәббаров аерым урыннарда бал кортлары үлүне элемтә җайга салынмау белән аңлатты