Марат Әхмәтов: Татарстанның эчке тулаем продуктны 10 триллион сумга җиткерәчәгенә ышанам
Татарстанның инде 30нчы еллар башында ук эчке тулаем продуктны 10 триллион сумга җиткерү перспективалары бар. ТР Дәүләт Советы Рәисе урынбасары Марат Әхмәтов «Волга» экспертлар клубы утырышыннан соң «Татар-информ» агентлыгына шундый фикерен белдерде, дип яза хәбәрче Арсений Кәримов.
«Моның кайчан булачагын фаразлау кыен: бу 2029, 2030, 2031 ел да булырга мөмкин. Ләкин якын киләчәктә Татарстанның эчке тулаем продуктны 10 триллион сумга җиткерәчәгенә өметләнәм һәм ышанам. Бу – чынга ашарлык әйбер. Әлбәттә, безнең икътисадка йогынты ясарга омтылучы хәзерге тышкы факторлар аркасында моны фаразлау кыен. Әмма мондый потенциал бар», - дип белдерде агентлык әңгәмәдәше.
Ул искәртеп үткәнчә, узган ел республиканың инвестицион капиталына - 1 триллион, ә быел 1,4 триллион сум салынган.
2024 елда Татарстанның эчке тулаем продукты 5 триллион сумнан артып киткән.