Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Марат Әхмәтов Минзәләдә Муса Җәлил һәйкәленә чәчәкләр салды
Татарстан Дәүләт Советы Рәисе вазифаларын башкаручы Марат Әхмәтов Минзәлә шәһәренең шул ук исемдәге паркында урнашкан герой-шагыйрь Муса Җәлил һәйкәленә чәчәкләр салды. Бу хакта ТР Дәүләт Советы матбугат хезмәте хәбәр итә.
Тантаналы чара Бөек Ватан сугышы елларында әсирлеккә эләгеп каршылык төркеме оештырган күренекле татар шагыйре, журналист һәм хәрби хәбәрче, Советлар Союзы Герое тууына 120 ел тулуга багышланган.
Геройның исеме Минзәлә районы тарихы белән тыгыз бәйләнгән. Муса Җәлил Минзәләдә хәрби-сәяси курсларда укыган. Әлеге курслар урнашкан бинада бүген Муса Җәлил исемен йөртүче Минзәлә педагогика көллияте урнашкан. Көллияттә шулай ук шагыйрьнең мемориаль музее да эшли.
Минзәләдә Муса Җәлилгә һәйкәл шәһәрнең үзәк паркында 1978 елда ук ачылган, ә 9 ел элек, 2017 елда, парк территориясендә масштаблы реконструкция уздырганнар һәм яңа һәйкәл куйганнар, аның авторы скульптор Александр Аполлонов булган.
Чәчәк салу тантанасында шулай ук Минзәлә районы башлыгы Айдар Сәлахов һәм Татарстан Республикасы Авыл хуҗалыгы һәм азык-төлек министры Марат Җәббаров катнашты.
Кызыклы яңалыкларны күзәтеп бару өчен Телеграм-каналга язылыгыз