«Манзара» премиясендә беренче тапкыр театр артистлары көрәште
Минзәлә театры артисты Илназ Хисмәтуллин җиңүче булып танылды.
(Казан, 29 август, «Татар-информ», Энҗе Габдуллина). «Манзара» спорт-музыкаль премиясендә беренче тапкыр театр артистлары көрәште.
Казанның «Ак Барс» көрәш сараенда беренче тапкыр җәйге «Манзара» спорт-музыкаль премиясе уза. Быелгы «Манзара»ның яңалыгы — көрәш бәйгесендә беренче тапкыр театр артистлары да көрәште.
Тинчурин театры артисты Илфак Хафизов белән Минзәлә театры артисты Илназ Хисмәтуллин бил алышты. Чиста алым ясап, җиңүче булып, Илназ Хисмәтуллин танылды. Иганәчеләр тарафыннан, артистларның икесенә дә медаль һәм акчалата приз тапшырылды.
Минзәлә театры артисты Илназ Хисмәтуллин театраль Сабантуйда да абсолют батыр булган иде.