Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Мансур хәзрәт Җәләлетдин: Гаилә — тормыш тоткасы, һәркем үзенең шәҗәрәсен белергә тиеш
![Мансур хәзрәт Җәләлетдин: Гаилә — тормыш тоткасы, һәркем үзенең шәҗәрәсен белергә тиеш](https://tatar-inform.tatar/resize/shd/images/uploads/news/2024/7/11/e1848f48da4cf5cf5f3f559b06344584.jpg)
Бүген Казанның Иске Татар бистәсендә Мәрҗани мәчете Шәҗәрәләр бәйрәме оештырды. Чара барышында Мансур хәзрәт Җәләлетдин һәркем үз шәҗәрәсен өйрәнсен, андагы шәхесләрне белергә тырышсын иде, дигән фикерне җиткерде.
«Сезне чын-чыннан гаилә бәйрәме белән тәбрик итәм. Гаилә — тормыш тоткасы. Без, дин әһелләре шундый матур чаралар оештырып торырга тырышабыз. Һәркем үзенең шәҗәрәсен, анда булган династияләрне белергә тиеш. Дөньялар имин, гаиләләр бәхетле булсын», — диде Мансур хәзрәт Җәләлетдин.
Бәйрәм РФ Президенты карары буенча игълан ителгән Гаилә елы уңаеннан гаилә кыйммәтләрен ныгыту, гореф-гадәтләрне популярлаштыру максатыннан оештырылган. Сәхнәдә җырчылар һәм ансамбльләр чыгыш ясады. Биредә хәләл ярминкә, Казан танк училищесы оештырган ватанпәрвәрлек зонасы һәм башка төрле мәйданчыклар эшләде.
Кызыклы яңалыкларны күзәтеп бару өчен Телеграм-каналга язылыгыз