Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Мамадышта шәһәр карантинга ябылу турындагы имеш-мимешләрне кире кактылар
Район хакимияте халыкны паникага бирелмәскә чакырды.
(Казан, 23 июнь, «Татар-информ»). Мамадыш районында коронавирус пандемиясе аркасында шәһәрне карантинга ябу турындагы имеш-мимешләр кире кагылды. Бу хакта «Нократ» газетасы яза.
Узган атнада Мамадышта мессенджерларда коронавирус белән хәлнең катлаулануы турында мәгълүмат таралганда ике дулкын булган.
Иң элек район халкы Мамадышның җитештерү мәйданчыклары ябылу турында бер-берсенә хәбәрләр җибәрде. Роспотребнадзор бу мәгълүматны кире какты. Соңрак социаль челтәрләр аша Мамадыш ябылуы турында аудиоязма таратыла башлады.
Район хакимияте бу хәбәрне фейк дип атады һәм халыктан паникага бирелмәүләрен сорады.
«Мондый карарларның булганы юк иде дип хәбәр итәбез. „Үзәк район хастаханәсе“ ДАССОсы, коронавируска каршы көрәш буенча оператив штаб, Роспотребнадзор Идарәсенең территориаль бүлеге районда санитария торышын катгый анализлыйлар, район территориясендә вирус авыруларының таралуын, таралуын булдырмау буенча эшне дәвам итәләр», — диелә Мамадыш муниципаль районының рәсми порталында.
Рәсми мәгълүматларга караганда, эш Россия Эчке эшләр министрлыгының Мамадыш районы буенча бүлегенә тапшырылган.
«Белә торып ялган мәгълүмат тарату закон тарафыннан эзәрлекләнә», — дип кисәтте шәһәр хакимияте.
Элегрәк «Татар-информ» мәгълүмат агентлыгы Чаллыда коронавирус учаклары паркта, шифаханәдә, стоматология поликлиникасында табылуын хәбәр иткән иде.
Кызыклы яңалыкларны күзәтеп бару өчен Телеграм-каналга язылыгыз