Җәмгыять 7 ноябрь 2014 09:53

Мамадышта пенсионерларга бушлай юридик консультация оештырылган

Аның ярдәмен 80 нән артык пенсионер күргән

Скопировать ссылку

(Казан, 7 ноябрь, “Татар-информ”). “Сак булыгыз, мошенниклар!” профилактик акциясе кысаларында, Россия Эчке эшләр министрлыгының Мамадыш районы буенча идарәсе тарафыннан пенсионерлар һәм аз керемле гаиләләр өчен булган “Забота” тернәкләндерү үзәгендә бушлай юридик консультацияләр уздырылды. Хокук саклау органнары хезмәткәрләре гражданнарга социаль мошенниклык буенча профилактик чаралар уздырды. Бу көнне “Забота” үзәгенә килгән гражданнарга пенсия, гаилә, хезмәт, торак, мирас, милеккә кагылышлы сораулар буенча профессиональ юрист киңәшләр бирде.

23 октябрьдән 1 ноябрьгә кадәр булган вакыт аралыгында “Забота” үзәгендә 80нән артык пенсионер юридик консультация алган. Шулай ук гражданнар өчен “кайнар линия” дә эшләгән, дип хәбәр итә ТР буенча ЭЭМның матбугат хезмәте.

Сәхифәләр

Мамадышта пенсионерларга бушлай юридик консультация оештырылган