Мамадышта балык кәтлитләре җитештерә торган цех ачыла
«Мамадыш балык заводы» җәмгыяте территориясендә хезмәткәрләр сигез цехта эшли.
- ВКонтакте
- Telegram
- РћРТвЂВВВВВВВВнокласснРСвЂВВВВВВВВРєРСвЂВВВВВВВВ
- РњРѕР№ Р В Р’В Р РЋРЎв„ўР В Р’В Р РЋРІР‚ВВВВВВВВРЎР‚
Скопировать ссылку
(Казан, 13 июнь, «Татар-информ»). Мамадышта балык кәтлитләре җитештерә торган цех эшләтеп җибәрергә планлаштыралар. Предприятие продукциясен балык заводы янындагы махсуслаштырылган кибеттә сатып алырга мөмкин. Бу хакта «Нократ» газетасы яза.
«Мамадыш балык заводы» җәмгыяте территориясендә хезмәткәрләр сигез цехта (балык тозлау, турау, балык фаршы, балык ыслау һ.б.) эшли.
Ел саен җирле «Балык заводы» балык тоту өчен квота ала. Узган ел ул 270 тонна балык тәшкил итте. Нократ һәм Камада хезмәт куючы 19 бригада балыкны заводка китерә.
Балыкчылар көн саен эшли, уылдык чәчү чорыннан тыш, ул 45 көн дәвам итә. Язгы чорда белгечләр уылдык чәчү өчен урыннар ясый.
Барлык тотылган балык җентекле ветеринария контроленә дучар ителә һәм эшкәртүгә җибәрелә.