Мамадышта балалар аттракционнары эшли башлады
Барлык мәйданчыкларда куркынычсызлык кагыйдәләре һәм санитар-эпидемиологик нормалар үтәлә.
Скопировать ссылку
(Казан, 2 июль, «Татар-информ»). 2 июльдә Мамадышта, Нократ яр буенда балалар аттракционнары эшли башлады. Барлык мәйданчыкларда куркынычсызлык кагыйдәләрен һәм санитар-эпидемиологик нормаларны үтиләр. Бу хакта «Нократ» газетасы яза.
«Шәһәр хуҗалыгы» МУП директоры Зөлфәт Хөснетдинов хәбәр иткәнчә, барлык утыру урыннары даими рәвештә дезинфекцияләнә. Бер аттракционга иң күбе биш кеше кертәләр.
Барлык аттракционнар ремонтланган, рәткә китерелгән. Алар көн саен, дүшәмбедән тыш, 13.00-20.00 сәгатьләрдә эшләячәк.
Билет 50 сум тора.