Мамадыш районында консервалар төягән “ГАЗель” һәлакәткә очраган
Авариядә имгәнгән машина йөртүчене Алабуга Үзәк район хастаханәсенә озатканнар.
Скопировать ссылку
(Казан, 21 ноябрь, “Татар-информ”). Татарстанның Мамадыш районында консервалар төягән “ГАЗель” һәлакәткә очраган. Бу турыда “Нократ” газетасы яза.
Басма мәгълүматлары буенча, Мәскәү-Уфа юлының 957 километрында “ГАЗель” автомобилен йөртүче 29 яшьлек ир-ат идарәсен югалта. Машина юл кырыена төшеп китә.
Авариядә имгәнгән машина йөртүчене Алабуга Үзәк район хастаханәсенә озатканнар.
