Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Мамадыш районында «Питрау» бәйрәмендә яшьләр өчен «Танышулар аланы» оештырылачак
19 июльдә 17.00 сәгатьтә Мамадыш районының Җөри авылында узачак «Питрау» республика керәшен мәдәнияте бәйрәме кысаларында яшьләр өчен тематик мәйданчык - «Димче» танышулар аланы оештырыла.
Проект ТР Министрлар Кабинетының ЗАГС идарәсе ярдәмендә үткәрелә һәм яшьләргә гаилә коруда ярдәм күрсәтүгә юнәлдерелгән. Үз парларын табарга теләгән егетләр һәм кызлар «Йөзек салыш», «Голубки», «Фантики», «Танышу таягы» кебек халык уеннары һәм конкурсларда, шулай ук парлы биюләрдә һәм викториналарда катнаша алачак.
«Танышулар аланы» җанлы аралашу өчен киңлек булачак, анда катнашучылар традицион бәйрәм атмосферасында бер-берсен якыннанрак беләчәк, шулай ук тормыш юлдашын да табарга мөмкин.
Оештыручылар билгеләп үткәнчә, нәкъ менә шундый халык уеннарында элек ныклы гаиләләр барлыкка килгән. Бүген «Димче» бу матур гадәтне заманча форматка кайтара.
Проектта катнашырга теләүчеләр, исемен, яшен һәм телефон номерын күрсәтеп, түбәндәге электрон почтага заявка җибәрә ала: Mamadysh.lyubov@mail.ru
Кызыклы яңалыкларны күзәтеп бару өчен Телеграм-каналга язылыгыз