Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары вазифасын башкаручы
Зилә Мөбәрәкшина
Малайзия Премьер-министры «KazanForum»га киләчәк һәм Миңнеханов белән очрашачак
Малайзия Премьер-министры Әнвәр Ибраһим 13 майдан 16 майга кадәр Россиягә рәсми сәфәр кылачак. Бу хакта хөкүмәт башлыгы матбугат сәркатибе Тунка Нашрул сүзләренә сылтама белән ТАСС хәбәр итә.
13 майдан 15 майга кадәр премьер Мәскәүдә булачак. Программада – Россия бизнесы һәм Малайзия диаспорасы вәкилләре белән очрашулар, шулай ук МГИМОда чыгыш ясау.
16 майда Әнвәр Ибраһим Казанга килә һәм «Россия – Ислам дөньясы: KazanForum» халыкара икътисадый форумында катнаша. Шулай ук аның Татарстан Рәисе Рөстәм Миңнеханов белән очрашуы планлаштырылган.
Исегезгә төшерәбез, KazanForum буларак билгеле «Россия – Ислам дөньясы» халыкара икътисадый форумы – Россия һәм Ислам дөньясы илләре арасында икътисадый, инвестицион һәм мәдәни хезмәттәшлекне ныгыту өчен эре халыкара мәйданчык. Ел саен форум Казанда партнерлык мөнәсәбәтләрен ныгыту белән кызыксынган меңләгән катнашучыларны – дәүләт эшлеклеләрен, бизнесменнарны, экспертларны һәм дипломатларны җыя.
«Россия – ислам дөньясы: KazanForum» XVI халыкара икътисадый форумы 13-18 май көннәрендә Казанда узачак. 2025 елда форумның төп темасы – «Цифрлаштыру: яңа чынбарлык һәм хезмәттәшлекне киңәйтү өчен өстәмә мөмкинлекләр».
Кызыклы яңалыкларны күзәтеп бару өчен Телеграм-каналга язылыгыз