Малайлар арасында милли мәкам белән азан әйтү бәйгесе башланды
- ВКонтакте
- Telegram
- РћРТвЂВВВВВВВВнокласснРСвЂВВВВВВВВРєРСвЂВВВВВВВВ
- РњРѕР№ Р В Р’В Р РЋРЎв„ўР В Р’В Р РЋРІР‚ВВВВВВВВРЎР‚
Скопировать ссылку
Малайлар арасында «Татар азаны» бәйгесе башланды. Анда 5 яшьтән алып балигълык яшенә җитмәгән балалар катнаша ала. Төп приз - Айфон. Бу хакта бәйгене оештыручылар хәбәр итә.
Әмма быел бәйгедә катнашу өчен иң элек "Татар азаны мәктәбе"ндә теркәләргә һәм остазлардан онлайн рәвештә тавыш кую, азан сүзләрен дөрес әйтү, мәкам төзү буенча берничә дәрес алырга кирәк. Остаз белән индивидуаль онлайн шөгыльләнү дә каралган. Шуннан соң гына малайлар азаннарын бәйгегә тәкъдим итә ала.
Бәйге җиңүчеләре 28 июнь көнне - Корбан гаете көнне билгеле булачак. Әлеге проектны "Рухи моң" иҗат берләшмәсе Татарстан Диния нәзарәте белән берлектә оештыра.
Катнашу тәртибе турында тулырак azan.tatar сайтында таныша аласыз.
