Фән һәм мәгариф 13 июнь 2023 18:05

Мәктәп укучыларын физкультура дәресләренә медицина тикшерүеннән соң гына кертәчәкләр

Скопировать ссылку

2024 елның 1 мартыннан Россия мәктәпләрендә укучыларны медицина тикшерүе узганнан соң бирелгән белешмә булганда гына физкультура дәресләренә кертәчәкләр. Россия Президенты Владимир Путин шундый закон имзалады. Документ хокукый мәгълүмат интернет-порталында урнаштырылган.

Текстта әйтелгәнчә, мәктәп җитәкчелеге балаларга кирәкле беренче медицина ярдәмен тәэмин итәргә тиеш була. Хәзер аны тиешле медицина әзерлеге булган укытучылар һәм башка кешеләр күрсәтә алачак.

Закон проектына аңлатмада язылганча, укучыларны дәрескә кертүнең яңа кагыйдәләре физкультура дәресләре вакытында укучыларның сәламәтлеге начарлану очракларының кискен артуы белән бәйле, алар кичекмәстән медицина ярдәме таләп иткән.

Сәхифәләр

Мәктәп укучыларын физкультура дәресләренә медицина тикшерүеннән соң гына кертәчәкләр