Максим Топилин «Бердәм Россия» праймеризында катнашу өчен документлар тапшырды
РФ Дәүләт Думасына Татарстаннан сайланган депутат, Дәүләт Думасының Икътисади сәясәт комитеты рәисе Максим Топилин «Бердәм Россия» праймеризында катнашу өчен документлар тапшырды.
«Мин Дәүләт Думасында эшләгән биш ел бик тиз үтеп үтте. Без партия һәм республика белән бергә хәл иткән бурычлар шактый күп булды. Төбәк һәм федераль дәрәҗәдәге бик күп проектлар (шул исәптән махсус икътисади зоналарны үстерү, технологик алгарыш, импортны алмаштыру һ.б.) гамәлгә ашырылды. Татарстан - яңа идеяләр драйверларының берсе. Бу минем эчке халәтемә бик тә туры килә», - дип белдерде Топилин.
Парламентарий сүзләренчә, узган биш елда Россия Федерациясе Дәүләт Думасы каршында халыкара чикләүләр һәм санкцияләр белән бәйле зур сынаулар торган. Шул ук вакытта, ил һәм республика икътисади яктан үсүен дәвам итә, дип өстәде ул.
Максим Топилин партия исемлеге буенча сайланачак. «Бердәм Россия» праймеризы 25 майдан 31 майга кадәр уза. Аның ярдәмендә Татарстанда РФ Дәүләт Думасына депутатлар сайлауда партияне кемнәр тәкъдим итәчәген билгелиләр.