Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Максим Топилин: Татарстан икътисады санкцияләр шартларында да үсеш ала
Кешеләрнең яшәү шартларын яхшырту өстенлекле эш булып тора. Республика программаларын һәм илкүләм проектларны гамәлгә ашыру нәкъ менә шуңа юнәлдерелгән. Бу хакта ТР Рәисе Рөстәм Миңнеханов Дәүләт Советына юлламасында белдерде. Татарстаннан Дәүләт Думасында депутат Максим Топилин «Татар-информ»га шул хакта хәбәр итте.
«Ел саен илкүләм проектлар кысаларында республика 4 меңнән артык объект төзи һәм ремонтлый. Алар - ремонтланган торак йортлар, мәктәпләр, балалар бакчалары һәм ял лагерьлары, хастаханәләр, поликлиникалар һәм ФАПлар, авыл клублары һәм яшьләр үзәкләре, универсаль спорт мәйданчыклары, экстрим-зоналар һәм ябык футбол манежлары. Әлбәттә, болар барысы да безнең тормышны яхшы якка үзгәртә», - диде Топилин.
Турыдан-туры икътисади блокка килгәндә, спикер мәгълүматлары буенча, Татарстан Рәисе агымдагы ел нәтиҗәләре буенча тулаем төбәк продуктына 5 трлн сум күләменә ирешергә дигән төгәл бурыч куйган. «Республика икътисады санкцияләр шартларында да үсә, безгә бу тенденцияне саклап калу мөһим. Мин, депутат буларак, тиешле финанслау алу өчен федераль дәрәҗәдә тәкъдим ителергә тиешле республика проектларына актив кушылачакмын», - диде Топилин.
Аның сүзләренчә, Рөстәм Миңнеханов махсус хәрби операция зонасындагыларга һәм аларның гаиләләренә ярдәм итүгә аерым игътибар бирде.
«Чыннан да, гражданнар кабул итүләрендә мин бу юнәлеш буенча хәл иткән берничә сорау бар. Моннан тыш, татарстанлыларның инициативалары еш кына закон проектлары нигезенә салына һәм соңыннан ил буенча гамәлгә ашырыла. Яңа мәсьәләләргә кушылачакмын һәм аларны хәл итәчәкмен», - дип вәгъдә итте Топилин.
Ул шулай ук искәрткәнчә, октябрьдә Татарстан БРИКС саммитын кабул итә. «Мин, республикадан депутат һәм партнерлык финанславы турындагы закон авторы буларак, бу юнәлештә төрле делегацияләр вәкилләре белән актив эшләячәкмен. Республика яңа халыкара партнерлар булдырачак, алар белән киңкүләмле проектларны үстерәчәк», - дип йомгаклады Дәүләт Думасы депутаты.
Кызыклы яңалыкларны күзәтеп бару өчен Телеграм-каналга язылыгыз