Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Максим Орешкин БРИКС белән икътисади хезмәттәшлек өчен җаваплы вәкил итеп билгеләнде
РФ Президенты Администрациясе җитәкчесе урынбасары Максим Орешкин БРИКС илләре белән финанс-икътисади хезмәттәшлек буенча махсус вәкил итеп билгеләнде. Дәүләт башлыгы Владимир Путин шул хактагы указны имзалады, ул рәсми хокукый актлар порталында урнаштырылган.
«Орешкин Максим Станиславовичка БРИКС илләре белән финанс-икътисади хезмәттәшлек һәм Яңа банк белән үзара ярдәм итешү мәсьәләләре буенча Россия Федерациясе Президентының махсус вәкиле вазифаларын йөкләргә», - диелә документта.
Указ аңа кул куелган көннән, ягъни бүген, 19 октябрьдә үз көченә керә.
БРИКС 2006 елда оешты. Быел берләшмәгә биш яңа ил кушылды. Хәзер оешмага Россия, Бразилия, Һиндстан, Кытай һәм Көньяк Африка Республикасыннан (2011 елдан бирле төркем әгъзасы) тыш, Мисыр, Эфиопия, Иран, Берләшкән Гарәп Әмирлекләре һәм Согуд Гарәбстаны керә.
Уналтынчы БРИКС саммиты Казанда 22-24 октябрьдә уза. 33 дәүләт вәкиле анда катнашачагын раслады. РФ Президенты Владимир Путин саммит кысаларында 17 ике яклы очрашу үткәрергә ниятли.
ТР Рәисе Рөстәм Миңнеханов мондый дәрәҗәдәге вакыйганы уздыру республика өчен зур мәртәбә һәм җаваплылык булуын билгеләп үтте. Казан мэры Илсур Метшин сүзләренчә, шәһәр бу көннәрдә 20 меңгә якын кунакны кабул итәчәк.
Кызыклы яңалыкларны күзәтеп бару өчен Телеграм-каналга язылыгыз