Татар әдәбияты 5 май 2023 00:07

Мәҗит Гафури. ***(«Алар бездән оялганнан...»)

Скопировать ссылку

***
Алар бездән оялганнан
Тәрек кыйлмадылар горфен [1];
Алардан бән оялганнан
Тәрек итмәм татарлыкны.

Әгәр белсә иде милләт:
Хәвефледер киләчәк көн;
Ганимәт дип белер иде
Татарлык бездә барлыкны.

Аларга улма, дус, хәйран,
Һәр эшләре гаҗәеп дип;
Алар алмадылар күктән
Бу без күргән кибарлыкны [2].

Әгәр син иҗтиһад итсәң,
Алардан артта булмазсән;
Шигем юк, бер вакытларда
Алырсән игътибарлыкны.

Кешенең фазлына [3] кызма!
Фәзаилне [4] үзең эстә!
Алырга иҗтиһад иткел
Алар безгә кызарлыкны.
(1907)

[1] Тәрек кыйлмадылар горфен-гадәтләрен ташламадылар.
[2] Кибарлыкны – горурлыкны, тәкәбберлекне.
[3] Фазлына – өстенлегенә, яхшы ягына (дәрәҗәсенә).
[4] Фәзаил – өстенлек, дәрәҗә.

Мәҗит Гафури (1880-1934) – шагыйрь, язучы, публицист, татар һәм башкорт әдәбиятлары классигы.

#мәҗит гафури әсәрләре #мәҗит гафури #маджит гафури

Сәхифәләр

Мәҗит Гафури. ***(«Алар бездән оялганнан...»)