Майның беренче көнендә Татарстанда яңгыр һәм +13 градуска кадәр җылы көтелә
Скопировать ссылку
Бүген, 1 майда, Татарстанда болытлы, дымлы, җилле һәм шактый салкын һава торышы саклана. Бу хакта ТР Гидрометеорология һәм әйләнә-тирә мохитне күзәтү үзәге хәбәр итә.
Республикада аязучан болытлы һава була. Көндез урыны белән, Казанда да яңгыр көтелә.
Көньяк-көнбатыштан көчле җил вакыт узу белән төньяк-көнбатыш юнәлешен алачак, секундына 6-11 метр тизлектә фаразлана. Шул ук вакытта төнлә секундына 15-18 метр тизлек белән искән җил көндез басылачак.
Көндез төбәктә һава температурасы +8..+13 градус җылы була (ТР башкаласында +9..+11 градус).
Элегрәк «Татар-информ» Татарстанда 1 Май бәйрәмнәренең салкын һәм яңгырлы булачагын хәбәр иткән иде.